Ստրասբուրգի դեկորատիվ արվեստի թանգարան
Ստրասբուրգի դեկորատիվ արվեստի թանգարան | |
|---|---|
 | |
| Տեսակ | պատկերասրահ |
| Երկիր | .svg){kind=small} Ֆրանսիա |
| Տեղագրություն | Ստրասբուրգ |
| Վայր | Palais Rohan, Strasbourg? |
| Մասն է | musées de la ville de Strasbourg? |
| Հասցե | 67000 |
| Այցելուներ | 79 533 մարդ (2019)[1] |
| Կայք | musees.strasbourg.eu/musee-des-arts-decoratifs |
 | |
 | |
Ստրասբուրգի դեկորատիվ արվեստի թանգարան, գտնվում է Ֆրանսիայի Ստրասբուրգ քաղաքում։ Թանգարանը Ռոհան պալատի առաջին հարկում է, որը նախկինում եղել է Էլզաս նահանգի մայրաքաղաքի՝ Ստրասբուրգի, իշխանապետ–եպիսկոպոսների բնակավայրը։
Հավաքածուներ
[խմբագրել | խմբագրել կոդը]Թանգարանի հավաքածուները Ռոհան պալատին են հասել 1898 թվականին՝ Վիլհելմ ֆոն Բոնդի կողմից 1890 թվականին հիմնադրված Հոհենլոհ թանգարանից։ Հավաքածուն երկու մասից է կազմված․ Ռոհան պալատի կարդինալների բնակարաններն ու սենյակները և Ստրասբուրգի դեկորատիվ արվեստի կտորները՝ 1681–ից 1871 թթ․ ընկած ժամանակահատվածից։ Այս տարիներին նախորդող ժամանակահատվածին պատկանող հավաքածուները ցուցադրված են հարևան Նոթր Դամի ստեղծագործությունների թանգարանում։
Հավաքածուի ամենանշանավոր մասն են կազմում հատկապես Ստրասբուրգի հախճապակյա կերտվածքները՝ Ժան և Փոլ Հանոնգ եղբայրների ճենապակի ու հախճապակի պատրաստող գործարանում արտադրված։ Հավաքածուն նաև ներառում է Նիդերվիլեր քաղաքում արտադրված հախճապակյա արտադրանքներ ու Ստրասբուրգի հայտնի ոսկերիչներ Կրիստեյնի և Իմլինի կողմից պատրաստված գեղարվեստական կերտվածքներ։
Վերոհիշյալ իշխանապետ–եպիսկոպոսների բնակավայրերը վերականգնվել են իրենց՝ մինչև Ռոհան պալատի 1870 և 1944 թթ․ ռմբակոծությունների նախկին տեսքին։ Այս սենյակները զարդարված են ստուկկոյով, ֆրեսկոյով, տեսողական պատրանքներով, գոբելեն գորգերով, ջահերով, բնօրինակ շինուազրիով։ Կտավների ու փայտի վրա նկարված գեղանկարչությունն ու կահույքը հիշեցնում են ռոկոկո ոճը և ցուցադրում Առաջին կայսրության շրջանին տիպիկ տեխնիկական ու գեղարվեստական բարձրաստիճան ստույգությունը։
Թանգարանում են պահված նաև Ստրասբուրգի տաճարի հայտնի աստղագիտական ժամացույցի մասնիկներ, որոնցից ամենանշանավորը աքաղաղի կերպարանքով ավտոմատն է, որն աշխարհի ամենահին ավտոմատն է համարվում[2]։
Պատկերասրահ
[խմբագրել | խմբագրել կոդը]-
Ճենապակյա ափսեներ ու ամաններ, Փոլ Հանոնգ -
Ճենապակյա վարազի գլխիկ, Փոլ Հանոնգ -
Ճենապակյա փոքրիկ աղավնի, Փոլ Հանոնգ -
Ճենապակյա եփած հավկիթներ, Փոլ Հանոնգ -
Ճենապակյա կեռասներ, Փոլ Հանոնգ -
Արքայադստեր սերվիս, Ժան–Ժաք Կրիստեյն
Ծանոթագրություններ
[խմբագրել | խմբագրել կոդը]- ↑ Ministry of Culture of France Fréquentation des Musées de France — Ministry of Culture of France.
- ↑ Decorative Arts Museum, Strasbourg, www.hautehorlogerie.org/
Արտաքին հղումներ
[խմբագրել | խմբագրել կոդը]- https://www.musees.strasbourg.eu/musee-des-arts-decoratifs
- https://www.musees.strasbourg.eu/les-appartements-du-palais-rohan Արխիվացված 2021-03-01 Wayback Machine
 | Վիքիպահեստն ունի նյութեր, որոնք վերաբերում են «Ստրասբուրգի դեկորատիվ արվեստի թանգարան» հոդվածին։ |
| ||||||||
